Kalayan nyebat Asma Allah anu Maha Asih tur Maha Heman
1. YAA SIIN
2. Demi Al-Qur'an anu pinuh hikmah
3. Saestuna, anjeun (Muhammad) nyaeta salah saurang tina rosul-rosul,
4. (Anu aya) dina jalan anu lempeng
5. (sabage wahyu) anu diturunkeun ku (Allah) anu Maha bedas, Maha heman
6. Sangkan anjeun mere pepeling ka hiji kaum anu karuhunna can pernah dibere pepeling, balukarna eta maranehna hare-hare.
7. Saestuna, pasti lumaku omongan(hukuman) pikeun kalobaanana maranehanana kusabab maranehanana teu ariman,
8. Saestuna, Kami geus masangkeun belenggu dina beuheung maranehna, tuluy leungeun maranehna (diangkat) kana gado, balukarna eta maranehna tanggah.
9. Jeung Kami jadikeun di hareupeun maranehna panghalang (tembok) jeung di tukangeun maranehna oge aya panghalang, Jeung Kami tutup (Panon) maranehna balukarna maranehna teu bisa ninggali
10. Jeung da sarua wae pikeun maranehna mah, rek ku anjeun dibere pepeling ka maranehna atawa anjeun heunteu mere pepeling ka maranehna, Maranehna anger moal arariman
11. Saestuna. anjeun ngan mere pepeling ka jalma-jalma anu daek nuturkeun pepeling jeung anu sieun ka Pangeran anu maha Asih, Sanajan maranehna teu ninggali ka Mantenna. Matak sok bere kamaranehna kabar gumbira ku pangampura jeung pahala anu mulya.
12. Sa, jeung nya Kami anu nyatet naon rupa anu ku amaranehna dipilampah jeung patilasan(tapak) anu ku maranehna ditinggalkeun. Saestuna, nya Kami anu ngahirupkeun jalma-jalma anu maot, Jeung sagala perkara ku Kami dikumpulkeun dijero Kitab anu eces (Lauh Mahfuzh)
Tidak ada komentar:
Posting Komentar